Храм быў пабудаваны на каменным падмурку, які застаўся на гэтым месцы ад старой царквы. Каля царквы пабудавалі драўляную званіцу.
У 1870 годзе ў царкве на сродкі мясцовых вернікаў быў уладкаваны новы іканастас. Асноўны прастакутны зруб царквы накрыты вальмавым дахам. На ўсходнім боку размесцілася пяцікантовая апсіда з бакавой рызніцай і іканастасам, з заходняй – прастакутны бабінец.
У 1962 годзе Спаса-Праабражэнская царква была зачынена. Набажэнствы ў ёй не праводзіліся да 1989 года.
Царква – помнік народнага дойлідства.
