Гнёзнаускі касцёл Святога Міхаіла

Касцёл Св. Міхаіла - помнік абароннага дойлідства з рысамі готыкі і рэнесансу. Узведзены ў 1524 годзе. Уяўляе сабой аднанефны храм з апсідай і вежай у цэнтры галоўнага фасада. Вежа васьмігранная. Архітэктура фасадаў змяшчае элементы позняй готыкі - падвесныя і кiлепадобныя аркі, прамавугольныя нішы, стройныя контрфорсы і рысы рэнесансу - гарызантальныя цягі і аркі над вокнамі другога яруса вежы, шматстайныя карнізы.

Будаваўся ён як каталіцкі храм. З 1555 па 1643 гг. быў прыстасаваны пад кальвінскі збор, затым зноў пераасвячоны ў касцёл.