Мсціслаўская царква Аляксандра Неўскага

Мсціслаўская Аляксандра-Неўская царква - помнік архітэктуры рэтраспектыўна-рускага стылю. Пабудавана ў 1870 годзе на месцы згарэлага ў 1858 касцёла. Уяўляе крыжова-купальны храм з 3 закругленымі апсідамі. У саборы 3 уваходных партала. Пад карнізам, па перыметры будынка, праходзіць аркатурны пояс. Вароты перад саборам — паўцыркульная арка, над якой узвышаецца наглядальная вежа.

 У храме знаходзіцца літаграфічная выява цудатворнага абраза Божай Маці (Пустэльнай).