Брэсцкі тэатр музыкі і драмы

Першая спроба адкрыць у Брэсце прафесійны тэатр была зроблена пасля аб`яднання Заходняй Беларусі з БССР. Было прынята адпаведнае рашэнне Саўнаркама БССР, згодна з якім у жніўні 1940 года ў Маскве з выпускнікоў ГІТІСА - курс народнага артыста СССР им.Тарханова - быў створаны Брэсцкі абласны рускі драматычны тэатр. Аднак лёсам яму было прыгатавана нядоўгае жыццё. Вестка аб вайне з фашыстамі заспела артыстаў на гастролях у Пінску. Тэатр пераехаў у Гродна,а артыстаў чакалі франтавыя дарогі ...

Неўзабаве пасля вызвалення Брэста ад нямецка-фашысцкіх захопнікаў, 1 кастрычніка 1944 года, быў арганізаваны Дзяржаўны моладзевы рускі драматычны тэатр імя Ленінскага камсамола Беларусі ў г.Брэсце з выпускнікоў Маскоўскага гарадскога тэатральнага вучылішча.

У 1989 годзе пачалася генеральная рэканструкцыя будынка Брэсцкага тэатра драмы, якая працягвалася амаль 7 гадоў. Нягледзячы на неўладкаванасць і непрыстасаванасць арандуюцца памяшканняў, трупа не пакідала творчую працу. Па ранейшаму штогод ставіліся 5 - 6 спектакляў.

У 1995 годзе рэканструкцыя была завершана, і на сённяшні дзень у Брэсце адзін з самых лепшых тэатральных будынкаў у рэспубліцы.

З 1996 года на базе Брэсцкага тэатра драмы і музыкі праводзіцца Міжнародны фестываль тэатральнага мастацтва ”Белая Вежа». Гэта адзіны фестываль такога ўзроўню ў рэспубліцы. Штогод у праграме фестывалю прымаюць удзел тэатры з больш чым 20 краін блізкага і далёкага замежжа.