ekskursii.by

Беларускі экскурсійны партал

Пастаўскi палац Тызенгаўза

Замовіць экскурсію

Тып: Палацы і сядзібы Стыль: класіцызм Дата падставы: 1 стагоддзе Статус: Рэспубліканскага значэння Рэспубліка Беларусь, Віцебская вобл., г. Паставы, вул. Савецкая

Палац Тызенгаўза - помнік архітэктуры класіцызму. Будаўніцтва пачата ў другой палове XVIII стагоддзя Антоніем Тызенгаўзам - уладальнікам Паставаў, адбудаваў палац у духу класіцызму ўжо яго унучаты пляменнік Канстанцін Тызенгаўз. Будынак П-вобразны ў плане, фасады ўпрыгожаны вертыкальнымі лапаткамі, паміж якімі - вялікія вокны.

Канстанцін Тызенгаўз, будучы вядомым арнітолагам, які распрацаваў сістэму класіфікацыі птушак, якой карыстаюцца і сучасныя навукоўцы, аўтарам некалькіх ілюстраваных кніг па арніталогіі, заснаваў у палацы адзін з найпрыгажэйшых ва Ўсходняй Еўропе арніталагічны музей з некалькімі тысячамі экспанатаў. Музей з”яўляўся базай біялагічнага факультэта Віленскага універсітэта. Пры Канстанціне ў палацы з”явілася і карцінная галерэя, дзе, па некаторых крыніцах, былі працы Леанарда да Вінчы, Рэмбрандта, Рубенса, Дзюрэра і іншых вядомых мастакоў. У палацавай бібліятэцы, акрамя кніг па арніталогіі, знаходзіліся рэдкія помнікі польскага пісьменства, каштоўныя гравюры і сямейны архіў, які пачынаецца з XIII стагоддзя.

Радавое гняздо Тызенгаўзаў ў Паставах наведваў расійскі імператар Мікалай II. Цяпер тут размешчана Пастаўская цэнтральная раённая бальніца. У 2006 годзе перад палацам быў усталяваны помнік арнітолагу Канстанціну Тызенгаўзу. Вучоны намаляваны ў поўны рост. У правай нагі Тызенгаўза сядзіць сава - знак мудрасці, а на правую руку арнітолага прыселі 2 птушкі.

раскрыць увесь тэкст

Фота - Пастаўскi палац Тызенгаўза

Індывідуальныя і карпаратыўныя экскурсіі - Пастаўскi палац Тызенгаўза

Размяшчэнне на карце - Пастаўскi палац Тызенгаўза

Адрас Рэспубліка Беларусь, Віцебская вобл., г. Паставы, вул. Савецкая GPS Google: 55.101435′ N, 26.837261′ E