Пошук
Палац Рдултоўскіх
Апісанне
Сноўскi палацава-паркавы ансамбль Рдултоўскіх - помнік архітэктуры класіцызму. Пабудаваны ў першай палове XIX ст. на беразе ракі Сноўка архітэктарам Б.Тычеўскiм. Уключае палац і пейзажны парк.
Палац уяўляе выцягнуты (даўжыня каля 140 м) сіметрычны двухпавярховы будынак. Па баках да яго прымыкаюць сіметрычныя 1-павярховыя аб”ёмы, за імі 2-павярховыя карпусы, размешчаныя перпендыкулярна падоўжнай восі палаца, і 1-павярховыя крылы з павільёнамі. Усярэдзіне палаца звыш 100 памяшканняў.
Строй інтэр”еру залы адрозніваецца сціпласцю. Столі і сцены пазбаўленыя дэкарацыі. Упрыгажэннем з”яўляецца вялікая кафляная печ.
На тэрыторыі сядзібы быў створаны невялікі водны басейн, які атачаў парк пейзажнага тыпу. Сістэма каналаў ўтварыла некалькі выспаў мудрагелістай формы, густа зарослых хмызняком і дрэвамі розных парод.
Зараз палац перададзены пад патрэбы ваеннай часткі і пагранiчнiкаў.
