Гарадзішча Вал

Гарадзішча «Вал» - «заслаўскі замак» - помнік археалогіі XI-XII стст. На гэтым месцы размяшчаўся «дзяцінец» - цэнтр старажытнага горада Ізяслаўль. Тут знаходзілася сістэма абарончых збудаванняў з валаў у 3-3,5 м, насыпаных з пяску. Іх унутраныя схілы ўмацоўваліся глінай і камянямі, а на асобных участках – драўлянымі канструкцыямі. У замкавых валах месцаваліся брамы - уязныя вароты - Вялікая і Малая. Абаранялі замак роў і паднятыя плацінамі воды Свіслачы, якія ўтваралі штучнае возера.