Ансамбль кляштара брыгітак з касцёлам Звеставання Найсвяцейшай Панны Марыі

Касцёл Звеставання і Найсвяцейшай Панны Марыі і кляштар брыгітак - помнік архітэктуры ранняга барока. Кляштар быў заснаваны ў 1634 г. на ахвяраванні маршалка Вялікага княства Літоўскага Крыштафа Весялоўскага і яго жонкі Аляксандры. Касцёл аднанефны двухвежавы. Манастырскія карпусы каменныя двухпавярховыя.

За касцёлам цудам захаваўся самы стары драўляны будынак у Беларусі 1630-х гадоў. Выбудаваны ён без адзінага цвіка. Яго прызначэнне - інтэрнат для манашак-брыгітак.