Кляштар быў збудаваны на адным з высокіх месцаў горада і ў XVII - XVIII стагоддзях уваходзіў у сістэму гарадскіх умацаванняў, ахоўваючы падыходы да Нясвіжа з боку Клецка. (справа) і Слуцка (злева). Да гэтага часу захаваліся рэшткі некалі магутных земляных валаў. Тут жа размяшчаўся самы значны ў сістэме абароны горада бастыён. За валамі цягнуліся равы з вадой.
манастыр праіснаваў да 1877г. Захаваліся вежа-вароты, жылы корпус з касцёлам, гаспадарчыя пабудовы. 2-павярховы Е-падобны ў плане будынак з рознавялікімі бакавымі крыламі. Галоўным уваходам на тэрыторыю манастыра з'яўляецца прамавугольная ў плане 3-ярусная вежа, завершаная фігурным купалам са шпілем.
У будынку кляштара ў цяперашні час размешчаны педагагічны каледж.
