Нясвіжскія гандлёвыя рады

Спачатку яны месцаваліся сіметрычна паабапал ратушы. Паміж імі былі нешырокія праезды з аркавымі брамамі. Вочкі-крамы былі адкрыты праёмамі ў бок двара, куды падвозілі тавар і дзе яго прадавалі. Частка гандлёвых памяшканняў знаходзілася ў першым ярусе ратушы. Пазней, у сярэдзіне XVIII стагоддзя, гандлёвыя рады былі перабудаваны. Іх працягнулі за будынак ратушы і злучылі папярочным бокам. Утварыўся П-падобны ўнутраны зачынены панадворак для падвозу тавара.