Музей гісторыі слуцкіх паясоў

У 30 - х гадах XX стагоддзя ў г. Слуцку была створана артэль, якая аб'яднала ткачых і вышывальшчыц, якія валодалі прыёмамі традыцыйнага народнага рамяства. У 1960 артэль была рэарганізавана ў Слуцкую фабрыку мастацкіх вырабаў. У цяперашні час Рэспубліканскае ўнітарнае прадпрыемства мастацкіх вырабаў «Слуцкія паясы» уваходзіць у склад Дзяржаўнага вытворча-гандлёвага аб'яднання «Беларускія мастацкія промыслы», падпарадкоўваецца Кіраўніцтву справамі Прэзідэнта Рэспублікі Беларусь і адносіцца да прадпрыемстваў дзяржаўнай формы ўласнасці. РУП «Слуцкія паясы» спецыялізуецца на выпуску тканых вырабаў, вырабаў з вышыўкай, пасцельнай і сталовай бялізны, сувенірнай прадукцыі, пражы, падшываных коўдраў, падушак, наматрацнікаў, мяккай цацкі і іншай прадукцыі. У цяперашні час пры фабрыцы дзейнічае Музей гісторыі слуцкіх паясоў. У фае музея знаходзіцца сувенірная крама, у якой можна набыць сувеніры, вырабленыя на прадпрыемствах «Беларускіх мастацкіх промыслаў».