Гісторыка-культурны музейны комплекс у в.Жылічы

Гісторыка-культурны музейны комплекс у в Жылічы размешчаны ў гістарычным будынку Жыліцкага палацава-паркавага комплексу - помніку архітэктуры XIX - XX стст. Палац узводзіўся шляхціцам Ігнатам Булгакам. Комплекс з'яўляецца гісторыка-культурнай каштоўнасцю, якія характарызуе адметныя рысы гісторыка-культурнай спадчыны рэгіёна, пабудаваны ў стылі класіцызму, якому ўласцівыя сіметрычна-восевыя кампазіцыі і стрыманасць дэкаратыўнага строя. У будынку палаца размясціўся гісторыка-культурны музейны комплекс з экспазіцыямі, якія знаёмяць наведвальнікаў з бытам людзей XIX - ХХ стст.. Экспазіцыі прадстаўлена прадметамі ўжытку таго перыяду: адзенне, посуд, гліняныя вырабы, прасы, лямпы. Таксама ў музеі можна ўбачыць дыярамы палацавага комплексу і сельскай мясцовасці.