Краязнаўчы музей ім. І.Д.Чэрскага

Краязнаўчы музей імя І. Д. Чэрскага заснаваны ў 1989 годзе на базе музея Новасвальнянскай васьмігадовай школы. Заснавальнікам музея з`яўляецца настаўнік гісторыі - Шымук Барыс Філіпавіч. Пасля закрыцця школы музей быў перанесены ў в. Валынцы, і музей у 1992 годзе атрымаў статус дзяржаўнага. У цяперашні час музей знаходзіцца ў памяшканні сельскага дома культуры. Экспазіцыя прысвечана геалагічнаму вывучэнню, флоры і фауне, археалогіі, гісторыі і этнаграфіі Верхнядзвінскага раёна, а таксама жыццю і дзейнасці І.Д.Чэрскага.