Гродзенскі музей Максіма Багдановіча

Гісторыя музея Максіма Багдановіча пачынаецца ў 1986 годзе, калі была адкрыта першая экспазіцыя літаратурнага аддзела "Гродзенскага гісторыка-археалагічнага музея". Музей размяшчаецца ў драўляным будынку пабудовы 1888, уключаным у Дзяржаўны спіс гісторыка-культурных каштоўнасцей Рэспублікі Беларусь у складзе гістарычнага цэнтра г. Гродна.

Гродзенскі музей Максіма Багдановіча займаецца захоўваннем і зборам інфармацыі аб літаратурна-гістарычных падзеях, што былі звязаныя з імем беларускага паэта Максіма Багдановіча ў прыватнасці, а акрамя таго літаратурнай спадчынай беларускіх пісьменнікаў, дзеячаў культуры Гродзеншчыны ў цэлым. Ужо з 1986 г. музей займае частку драўлянага дома, забудовы 1888 на былой вуліцы Малой Садовай. У музеі прадстаўлены наступныя экспазіцыі: "Партрэтная галерэя вядомых дзеячаў Беларусі", "Гродзенскі перыяд жыцця сям'і Багдановічаў", "Літаратурна-грамадскі рух канца XIX - пачатку XX стст."; а таксама 4 мемарыяльныя пакоі: кабінет бацькі, пакой маці, дзіцячы пакой, гасцёўня. Аддзел "Гродзеншчына літаратурная: мінулае і сучаснасць" прысвечаны жыццю і творчасці вядомых літаратараў Прынёманскага краю. Фонд музея налічвае 14745 адзінак захоўвання. Сярод іх - асабістыя рэчы паэта, дакументы, фатаграфіі, лісты, прадметы побыту кан. XIX - пач. XX стст., пісьмовыя сведчанні грамадскага і культурнага жыцця таго часу, а таксама спадчына паэтаў і пісьменнікаў Гродзеншчыны.