Сядзіба займае будынак 1924 года пабудовы, у якім размяшчаецца музей старадаўніх музычных інструментаў і лялечны тэатр «Батлейка».
Музей народных музычных інструментаў створаны ўладальнікам хутара, вядомым мастаком-графікам, фолк-музыкам Аляксандрам Уладзіміравічам Лосем, які стаяў ля вытокаў адраджэння беларускай дуды, ліры корбавой і іншых інструментаў, якія за час савецкай уніфікацыі і бяспамяцтва амаль цалкам сышлі ў нябыт. Тут Вы ўбачыце калекцыю старадаўніх музычных інструментаў: дуды, жалейкі, цымбалы, ліры, гармонікі, акардэоны, скрыпкі, даведаецеся пра гісторыю паходжання музычных інструментаў, а таксама атрымаеце асалоду ад іх незвычайнага гучання, адчуеце ўздзеянне этнамузыкі на свядомасць і настрой.
Для гасцей праводзяцца лекцыі па гісторыі музычных інструментаў, канцэрты старадаўняй беларускай музыкі, майстар-класы па саломапляценні, вырабу паперы ручным спосабам, выцінанцы, вырабу народных інструментаў і ўрокі гульні на скрыпцы, дудзе, бубне, цымбалах у традыцыйнай народнай манеры. Тут жа праводзіцца навучанне старадаўніх народных танцах і абрадавых дзеянняў. Акрамя таго Вас навучаць асновам кавання металу па старадаўніх тэхналогіях, кавання крэсах, загартоўкі, здабычы агню з дапамогай крэсіваў і ліццю дробных формаў з медзі.
Для аматараў адпачынку на прыродзе на тэрыторыі сядзібы ёсць спецыяльна абсталяваны крыты навес на 50 чалавек з лаўкамі і сталамі, вогнішчам з дровамі і турыстычнымі мангаламі. Магчыма арганізацыя намётавага лягеру. Тым, хто аддае перавагу актыўна праводзіць час, прапануюцца незабыўныя сплавы на каяках, байдарках і каноэ па р. Яршоўке і Іслачы. А пасля цяжкага дня можна папарыцца ў традыцыйнай драўлянай лазні, пабудаванай яшчэ ў 1924 г.
Наведаўшы Хутар Дудара, Вы адпачнеце душой, нацешыўшыся этнаграфічнай музыкай старадаўніх беларускіх інструментаў. Гісторыя і ўнікальныя магчымасці традыцыйных беларускіх музычных інструментаў, якія ажываюць у руках Майстры, не пакінуць Вас абыякавымі.