Горад майстроў дае наведвальнікам магчымасць азнаёміцца з укладам жыцця беларускіх рамеснікаў XIX стагоддзя і ўключае ў сябе дом і майстэрню пекара, ганчара, цесляра, каваля, майстра па вышыўцы і пляценню з саломкі (лазы). Вы ўбачыце, як у даўніну пяклі хлеб, кулічы, караваі, зможаце паспрабаваць свежую выпечку па ўжо забытых бабуліных рэцэптах. Спрытныя рукі ганчара ў лічаныя хвіліны ператвораць кавалак гліны ў шэдэўр ганчарнага мастацтва, і ў Вас будзе магчымасць сесці за ганчарны круг і вылепіць кухоннае начынне пад чулым кіраўніцтвам майстра. Цясляр і каваль раскажуць аб сваёй нялёгкай працы і прадэманструюць свае вырабы з каванага металу і дрэва, выкананыя ў лепшых традыцыях старадаўніх майстроў. Дзівіць уяўленне карпатлівая праца майстроў вышыўкі. На нацыянальных беларускіх ручніках, сурвэтках, фартухах ажываюць вобразы палявых кветак, птушак, жывёл. Традыцыйным, тыпова народным рамяством на Беларусі было пляценне з прыродных матэрыялаў: саломы, лазы, кары. Вы пазнаёміцеся з традыцыйнымі відамі пляцення, спосабамі выканання саламяных цацак і дэкаратыўнай скульптуры. Такім чынам, тут можна не толькі паназіраць за працэсам вырабу, але і набыць прадукцыю майстроў.
На тэрыторыі этнавёскі ўстаноўлены вятрак, каменныя кампазіцыі, фантаны, а для маленькіх гасцей - дзіцячая забаўляльная пляцоўка. У летнім кафэ «Карчма» можна пакаштаваць стравы нацыянальнай беларускай кухні.
Увесь комплекс уключае ў сябе 2 рэстарана, канферэнц-залу, дзіцячае кафэ, гасцініцу еўрапейскага ўзроўню. У цэлым комплекс разлічаны на 124 месца.
