Куранецкая царква Раства Багародзіцы

Дата будаўніцтва Куранецкай царквы Раства Багародзіцы - да 1880 г. (другая палова XIX стагоддзя). Пабудавана з цэглы. Царква складаецца з асноўнага аб'ёму, шасціграннай апсіды, бабінца і васьміграннай званіцы. Галоўныя і бакавыя ўваходы вырашаны ў выглядзе паўцыркульных парталаў з шматпластовымі аркамі. Цэнтральныя часткі бакавых фасадаў вылучаныя шчытамі з арачнымі паясамі. Вокны вузкія, паўцыркульныя. Сцены дэкарыраваны прафіляванымі паясамі, шматпластовымі карнізамі, вуглавымі лапаткамі. Царква - помнік архітэктуры псеўдарускага стылю.