Магілёўскі драматычны тэатр

Магілёўскі абласны драматычны тэатр - помнік архітэктуры псеўдарускага стылю. Збудаваны на добраахвотныя ахвяраванні гараджан у 1886 - 1888 гг. у цэнтры горада паводле праекта архітэктара П. Камбурава і інжынера У. Мільяноўскага.

Будынак тэатра з чырвонай цэглы мае складаную аб'ёмную кампазіцыю. Цэнтральнае месца займае прамавугольная ў плане зала на 500 месцаў з закругленай задняй сцэнай. На галоўным фасадзе выступаюць 2 вежападобныя чацвярыковыя аб'ёмы і тамбур з тэрасай, да якога вядзе двухбаковая крывалінейная лесвіца.

Магілёўскі драматычны тэатр з'яўляецца адным з найпрыгожых помнікаў архітэктуры горада.