Семкаўскі сядзібна-паркавы комплекс Хмараў

Сядзібны дом будаваўся ў 1775-1780 гг. пад наглядам кіраўніка маёнтка Ануфрыя Паўлавіча і насіў рысы пераходу ад барока да класіцызму з элементамі ракако. Будынак аднапавярховы, прамавугольны, каменны з калідорнай планіроўкай. Цэнтральную частку займалі парадныя залы, адзін з іх называўся каралеўскі, тут спыняўся апошні кароль Рэчы Паспалітай Аўгуст Станіслаў Панятоўскі. Інтэр'еры дома мелі вытанчанае ўбранне, роспіс, пазалочаныя люстры, паркетныя палы, кафляныя печы, дарагую мэблю. Каля сядзібы былі разбіты невялікі рэгулярны парк і пейзажны плошчай 10 га. Сёння сядзібны дом знаходзіцца ў руінах, парк ў запушчаным стане.