Гістарычны цэнтр Заслаўля

Мяжа зоны гістарычнага цэнтра праходзіць па скрыжаванні вуліцы Бялова з каналам Вілейска-Мінскай воднай сістэмы, уздоўж правага боку гэтага канала, па левым беразе ракі Княгінкі, уздоўж чыгункі да маста на аўтамабільнай дарозе Заслаўль-Ракаў, па прамой да забудовы на беразе ракі Чарніцы, па правым беразе ракі, уздоўж правага боку канала Вілейска-Мінскай воднай сістэмы. Уключае вялікую частку гісторыка-археалагічнага запаведніка "Заслаўль", а таксама дамы індывідуальнай, галоўным чынам старой, забудовы - гарадской Рады, установы сацыяльна-культурнага і побытавага прызначэння: Дом культуры, бібліятэка, Дом сямейных імпрэз, агульнаадукацыйная сярэдняя і музычная школы, адмысловая школа-інтэрнат, камбінат побытавага абслугоўвання, атэлье, крамы, лякарня, аптэка.