Слонімскі манастыр бенедыктынак

У 1669 годзе на гарадской ускраіне жонкай смаленскага падстольнiка Ганнай Прэслаўскай быў заснаваны манастыр бенедыктынак. Першыя манашкі прыйшлі сюды з ліквідаванага манастыра ў занятым Расiяй Смаленску (зваліся яны смаленскімі згнанiцамi). Комплекс складаўся з касцёла Адшукання Святога Крыжа (не захаваўся) і жылога корпуса. Жылы корпус манастыра быў пабудаваны ў 1801 г. Дзейнічаў манастыр да 1850 г. Пасля паўстання 1863 года ў манастыры была турма для палітвязняў. Цяпер у захаваўшымся і адрэстаўраваным жылым манастырскім корпусе знаходзіцца сярэдняя школа.