Мiронiмская Свята-Праабражэнская царква

Свята-Праабражэнская царква , пабудаваная ў 1869 годзе з бутавага каменю і цэглы, - помнік архітэктуры рэтраспектыўна-рускага стылю. Храм быў зачынены ў гады Вялікай Айчыннай вайны, набажэнствы ў ім аднавіліся толькі ў 1989 г.
Четырёхчастная падоўжна-восевая аб'ёмна-прасторавая кампазіцыя царквы складаецца з кубападобнага са скошанымі кутамі асноўнага аб'ёму, трох'яруснай званіцы, прамавугольнай трапезнай, пяціграннай апсіды. У сілуэце храма дамінуюць цыбульныя купалы на шатры званіцы і гранёным барабане над восьміпахільным спадзістым дахам асноўнага аб'ёму. Ніжні і верхні ярусы званіцы апраўленыя паясамі трохкутных франтончыкаў. Галоўны ўваход выкананы ў выглядзе шырокага арачнага партала. Царква мае паліхромнае каларыстычнае рашэнне. У аздабленні - спалучэнне бутавага мура сцен з пабеленымі і абтынкаванымі элементамі архітэктурнага дэкору, які ўключае вуглавыя лапаткі, плоскія з руставанымі завяршэннямі ліштвы арачных аконных праёмаў, карнізы і цягі, філянговы цокаль. Інтэр'ер зальны, з ветразным скляпеністым перакрыццем. Алтарная частка аддзелена трёхъярусным драўляным іканастасам.