Да асноўнага прамавугольнага ў плане аб'ёму, накрытага двухсхільным дахам, прылягаюць паўкруглая апсіда і рызніца. Сцены асноўнага аб'ёму члянёны плоскімі лапаткамі, прарэзаны паўцыркульнымі аконнымі праёмамі. Галоўны фасад завершаны трохвугольным драўляным франтонам. Над дахам узвышаецца чацверыковая вежачка з невысокім шатром. Інтэр'ер зальны, з плоскай столлю.
Царква дзейнічала і ў час Вялікай Айчыннай вайны. У 1961 годзе царква была зачынена. Наступныя 30 гадоў храм служыў зернесклада і млыном. У 1993 годзе царкву зноў аднавілі. З 2005 года пачаўся рамонт храма. Ўсталявалі новы іканастас. У наступныя гады адрамонтавалі купалы, акультурылі прылеглую тэрыторыю, абнавілі агароджу храма. У 2010 годзе аформлена дакументацыя: акт на зямлю і тэхнічны пашпарт; а таксама пабелены фасад, у 2012 годзе зроблены рамонт - столь падшыта сайдынгам.
Царква з'яўляецца помнікам народнага дойлідства.