Домік М. Багдановіча

Максім Адамовіч Багдановіч (27 лістапада 1891 - 12 мая 1917) - беларускі паэт, публіцыст, літаратуразнавед, перакладчык; класік беларускай літаратуры, адзін з стваральнікаў беларускай літаратуры і сучаснай літаратурнай беларускай мовы.

Музей Максіма Багдановіча ў Гродне адкрыты ў 1986 годзе, як літаратурны аддзел Гродзенскага дзяржаўнага гісторыка-археалагічнага музея, у доме, у якім жыла сям”я Багдановічаў.

Літаратурны аддзел размешчаны ў 4-х пакоях дома (плошча экспазіцыі 56м ²). У гэтым доме з 1892 па 1896. жыў беларускі паэт М. Багдановіч. Экспазіцыя літаратурнага аддзела знаёміць з выглядам Гродна канца ХІХ - пач. ХХ стагоддзяў. Тут змешчаны сямейныя фатаграфіі і асабістыя рэчы паэта, прыжыццёвы зборнік паэта ”Вянок” (1913г.). Другі раздзел быў прысвечаны наведванню М.Багдановіча Ракуцёўшчына. Экспазіцыя знаёміць з дзейнасцю газеты ”Наша Ніва” і выдавецкай групы ”Загляне сонца ў наша ваконца”. Таксама тут прадстаўлены мінскі перыяд жыцця і творчасці паэта і апошнія месяцы жыцця ў Ялце. У адной з пакояў адноўлены інтэр”ер кабінета-кватэры Багдановічаў.

Экспазіцыя мае залы: партрэтная галерэя знакамітых людзей; літаратурна-грамадскі рух канца ХIХ - пачатку ХХ стагоддзяў; гродзенскі перыяд жыцця сям”і Багдановічаў.

У доме ёсць чатыры мемарыяльныя пакоі: кабінет бацькі, пакой маці, дзіцячы пакой, гасцёўня, а таксама аддзел «Гродзеншчына літаратурная: мінулае і сучаснасць”.

Сярод экспанатаў музея - асабістыя рэчы паэта, дакументы, лісты і іншыя рэчы сям”і Багдановічаў, прадметы побыту канца ХIХ-га - пачатку ХХ ст., пісьмовыя сведчанні грамадскага і літаратурнага жыцця таго часу.