Храм асіметрычны па форме, трохнефны, трохвежавы. У інтэр”еры - вітражы, люстры з медзі. З найбольш шанаваных святынь касцёла - копія Турынскай плашчаніцы, перададзеная ў 2000 годзе ў дар Турынскім катэдральным саборам. Перад уваходам у касцёл устаноўлена бронзавая скульптура Архангела Міхаіла (1996 г., скульптар І. Голубеў), які здаўна лічыцца святым заступнікам Беларусі. Скульптура была ўсталяваная ў сувязі з пачаткам працы ў Мінску рымска-каталіцкага Сінода.
У дзясятку метраў злева ад Архангела ля Чырвонага касцёла ўстаноўлена мемарыяльная кампазіцыя «Звон Нагасакі». Цэнтрам кампазіцыі з”яўляецца звон - дакладная копія званы «Анёл», цудам ацалелага ў атамнай бамбардзіроўцы. Копія званы - дар японскага народа народу Беларусі. Мемарыяльная кампазіцыя - гэта свайго роду помнік ахвярам Хірасімы, Нагасакі, Чарнобыля... З часу адкрыцця (2000 г.) кожную нядзелю ў 12 гадзін званы трох гарадоў гучаць адначасова, як напамін аб ахвярах атама і пра жыццё як вялікім дары Божы...
