Музей авіацыйнай тэхнікі Баравая

Музей авіяцыйнай тэхнікі ў в. Баравая створаны на базе Цэнтральнага аэраклуба ДАСААФ імя двойчы Героя Савецкага Саюза Сяргея Грыцаўца. Адкрыццё музея адбылося 4 ліпеня 2009 года. Музей арганізаваны міністэрствамі абароны, транспарту і камунікацый, Мінгарвыканкамам, Мінаблвыканкамам, ДАСААФ пры падтрымцы Дзяржаўнага сакратарыята Савета Бяспекі Беларусі. Ініцыятарам стварэння музея пад адкрытым небам стаў начальнік Цэнтральнага аэраклуба ДАСААФ Мікалай Пятровіч Мачанскі. Стварэннем экспазіцый займаецца інжынерна-тэхнічны склад аэраклуба. Першыя чатыры самалёты з'явіліся ў Баравой ў 1999 годзе. Сення у экспазіцыі музея авіяцыйная тэхніка самых розных відаў і класаў. Дэманстрацыйная плошча экспазіцыі складае 2 га. Агульная колькасць музейных предметаў 37 адзінак. У Баравой наведвальнікі маюць магчымасць зазірнуць у верталёт Мі-24П, самалёт Ан-2 і кабіну самалёту МіГ-23 а агледзіць іх унутры. У музеі праходзяць авіяцыйна-спартыўныя святы; спаборніцтвы абласнога, рэспубліканскага і міжнароднага ўзроўня па шрубалётным, парашутным і авіямадэльным спорце, дэманстрацыйныя палёты авіяцыі Рэспублікі Беларусь. На тэрыторыі аэраклуба размешчаны спартыўна-забаўляльны цэнтр вольнага часу, дзе можна пагуляць у пэйнтбол. Мінскі аэраклуб дае магчымасць прыняць удзел у аглядных палётах на верталёце Мі-2, самалётах Як -52, Ан-2 і здзейсніць скачкі з парашутам.